Kalittokai 150

((Originally extracted from master file ^KALI.OCP))
((Last updated on 2004 April 14th))

• {KALI 150-1} ayam tikaḻ naṟum koṉṟai alaṅkal am teriyalāṉ
• {KALI 150-2} iyaṅku eyil eya piṟanta eri pōla e vāy um
• {KALI 150-3} kaṉai katir teṟutaliṉ kaṭuttu eḻunta kāmpu tī
• {KALI 150-4} malai parantu talai koṇṭu muḻaṅkiya muḻaṅku aḻal
• {KALI 150-5} mayaṅku atar maṟukaliṉ malai talaikkoṇṭeṉa
• {KALI 150-6} vicumpu uṟa nivantu aḻalum vilaṅku aru ve curam
• {KALI 150-7} iṟantu tām eṇṇiya eytutal vēṭkaiyāl
• {KALI 150-8} aṟam tuṟantu āy iḻāy ākkattil pirintavar
• {KALI 150-9} piṟaṅku nīr caṭai karantāṉ aṇi aṉṉa niṉ niṟam
• {KALI 150-10} pacantu nī iṉaiyai āy nīttal um nīppa ō
• {KALI 150-11} kari kāynta kavalaittāy kal kāynta kāṭṭu akam
• {KALI 150-12} veru vanta āṟu eṉṉār viḻu poruṭku akaṉṟavar
• {KALI 150-13} uruva ēṟṟu ūrtiyāṉ oḷ aṇi nakkaṉṉa niṉ
• {KALI 150-14} uru iḻantu iṉaiyai āy uḷḷal um uḷḷupa ō
• {KALI 150-15} kotittu urāy kuṉṟu ivarntu koṭi koṇṭa kōṭaiyāl
• {KALI 150-16} otukku ariya neṟi eṉṉār oḷ poruṭku akaṉṟavar
• {KALI 150-17} putu tiṅkaḷ kaṇṇiyāṉ poṉ pūṇ ñāṉṟu aṉṉa niṉ
• {KALI 150-18} katuppu ulaṟum kaviṉai āy kāṇṭal um kāṇpa ō
• {KALI 150-19} āṅku
• {KALI 150-20} arum peṟal ātiraiyāṉ aṇipeṟa malarnta
• {KALI 150-21} perum taṇ caṇpakam pōla oruṅku avar
• {KALI 150-22} poyyār ākutal teḷintaṉam
• {KALI 150-23} mai īr ōti maṭa moḻiyōy ē